ရွာတစ်ရွာမှာဖြစ်တယ်။
ဘုန်းကြီးလူထွက် တစ်ယောက်နဲ့ မိန်းမတစ်ယောက် ချစ်ကြိုးသွယ်ပြီး အကြင်လင်မယား ဖြစ်သွားတယ်။
ဘုန်းကြီးလူထွက်က ရိုးလွန်းလို့ အဲဒီမိန်းမ အပျိုဆိုပြီး အမည်ခံထားပေမယ့် လင်သုံးယောက် ရဘူးပြီး ပွေရှုပ်တာကို မသိရှာဘူး။
မကြာခင် သူတို့မှာ သားယောက်ျားလေး တစ်ယောက်ဖွားမြင်တယ်။
ဘုန်းကြီးလူထွက်က သားကို အလွန်ချစ်တာပေါ့။ ဒါ့ကြောင့် သူကိုယ်တိုင် သီချင်းဆိုပြီး သိပ်လေ့ သိပ်ထရှိတယ်။
သူဆိုတဲ့သီချင်းကတော့................
“ဘယ်သွေးမနှော...............ဖေ့သားချော” လို့ဖြစ်တယ်။
ဒီလိုပုခက်လွှဲပြီး ကလေးသိပ်နေတာကို ပတ်ဝန်းကျင်ကာလသားတွေ ကြားတော့ ခံပြင်းပြီး ဘုန်းကြီးလူထွက်ကြားနိုင်တဲ့နေရာကနေပြီး သီချင်းပြန်ဆိုတယ်။
သူတို့ ပြန်ဆိုတဲ့ သီချင်းကတော့.............
“ရောလည်းရောရာ ဒို့လည်းပါ” ဆိုပြီး ပြန်နှက်ကြတယ်။
ဘုန်းကြီးလူထွက်က အလျော့မပေးဘဲ ပြန်ဆိုလိုက်တာကြောင့် ကာလသားတွေ အသာနောက်ဆုတ်သွားရတယ်။
ဘုန်းကြီးလူထွက် ပြန်ဆိုလိုက်တဲ့ သီချင်းကတော့....................
“ပါပင်ပါငြား.............ငါကများ”
မြန်မာတွေ ပျော်ကြပါစေ။
ကိုရင်ကျော်
--------------
No comments:
Post a Comment